नेपाल बंगलादेश बैंकको खुद नाफा १६.५२ प्रतिशतले बढ्यो
काठमाडौं, १३ माघ । नेपाल बंगलादेश बैंकले चालु आर्थिक वर्षको अर्धवार्षिक अवधीमा ९४ करोड १२ लाख रुपैयाँ खुद नाफा कमाएको छ । यो नाफा रकम गत वर्षको सोही अवधीको भन्दा १६.५२ प्रतिशतले बढी हो ।
बैंकको वितरणयोग्य नाफा ४६ करोड ७ लाख रुपैयाँ छ । गत वर्ष बैंकको वितरणयोग्य नाफा ४३ करोड ८१ लाख रुपैयाँ थियो । साथै, सञ्चालन नाफा १ अर्ब ३३ करोड ९० लाख रुपैयाँ पुगेको छ ।
खुद ब्याज आम्दानीमा भने कमि आएको छ । बैंकको खुद ब्याज आम्दानी ८.०१ प्रतिशतले घटेर १ अर्ब २४ करोड ६६ लाख रुपैयाँमा सीमित भएको छ । खराब कर्जा अनुपात पनि ०.४५५ ले बढेर २.३७ प्रतिशत पुगेको छ ।
