ज्योती विकास बैंकको १० प्रतिशत बोनस शेयर वितरणको प्रस्ताव पारित

काठमाडौं, १५ माघ । ज्योति विकास बैंकले हाल कायम भएको चुक्तापूँजीको १० प्रतिशत बोनस शेयर प्रदान गर्ने प्रस्ताव पारित गरेको छ । बैंकको हिजो सम्पन्न १३ औं वार्षिक साधारण सभाले उक्त प्रस्ताव पारित गरेको हो ।

बोनश शेयर वितरण पछि बैंकको चुक्तापूँजी ३ अर्ब ८४ करोड ४८ लाख रुपैयाँ पुग्ने छ । यस्तै साधारण सभाले आर्थिक वर्ष २०७६–७७ को सञ्चालक समितिको प्रतिवेदन, लेखापरीक्षकको प्रतिवेदनसहित गत वर्षको वासलात, नाफा–नोक्सान हिसाब तथा नगद प्रवाह विवरण लगायतका वार्षिक वित्तियविवरणहरू उपर छलफल गरी स्वीकृत गरेको छ ।

बैंकको संस्थापक शेयरधनी समूहको तर्फबाट हरिप्रसाद, हरिचन्द्र खड्का सन्तोष अधिकारी तथा सर्वसाधारण शेयरधनी समूहको तर्फबाट नरेशराज आचार्य र ध्रुव कोइरालालाई आगामी ४ वर्षको लागि सञ्चालक समितिमा चयन भएका छन् ।