तिनकुने स्थित हरित सामुदायिक कृषि बजारमा माछापुच्छ्रे बैंकको क्युआर कोड सेवा

काठमाडौं, २१ मघ । माछापुच्छ्रे बैंकले काठमाडौंको तिनकुने स्थित हरित सामुदायिक कृषि बजारमा क्युआर कोड सेवा संचालनमा ल्याएको छ । उक्त सेवाको आज नेपाल राष्ट्र बैंकका गभर्नर महाप्रसाद अधिकारीले सुरुवात गरे ।

उक्त क्युआर कोड सेवा सुरु भएसंगै हरित कृषि बजारमा तरकारी तथा फलपूmल किन्दा बैंकको मोबाइल बैंकिङ एप्लिकेसन प्रयोग गरी भुक्तानी गर्न सक्नेछन् ।

कार्यक्रममा गर्भनर अधिकारी कृषि बजारमा माछापुच्छ्र्रे बैंकले सुरु गरेको क्युआर कोड सेवाले भुक्तानी प्रणालीमा आधुनिकीकरणको सुरुवात गरेको बताउदै यस्तो प्रणालीले कारोबारमा पारदर्शिता ल्याउने बताए ।

यस्तै बैंकका अध्यक्ष डा. विरेन्द्र प्रसाद महतोले क्युआर कोड सेवालाई हरेक तह र तप्कासम्म पुर्याउने बताए । सो बजारमा रहेका कुल १ सय ५३ तरकारी स्टलमध्ये १ सय वटामा माछापुच्छ्रे बैंकको क्यूआर कोड सेवा सुरु भइसकेको छ ।