सुनको मूल्य ९०० रुपैयाँ घट्यो

काठमाडौं, २२ माघ । बिहीबार (आज) सुनको मूल्य ९०० रुपैयाँ घटेर कारोबार भइरहेको छ । हिजो ९२ हजार रुपैयाँमा खरिद विक्री भएको सुन आज ९०० रुपैयाँ घटेर ९१ हजार १०० रुपैयाँमा कारोबार भइरहेको नेपाल सुनचादी व्यवसायी महासंघले जनाएको छ ।

त्यस्तै आज चाँदीको मूल्य पनि घटेर कारोबार भएको छ । हिजो प्रतितोला १ हजार ३२० रुपैयाँमा कारोबार भएको चाँदी आज प्रतितोला १ हजार ३०० रुपैयाँमा कारोबार भइरहेको महासंघले जनाएको छ ।