एनआईसी एशिया बैंकको कार्ड प्रयोग गरी सस्तो डिल मार्फत किनमेल गर्दा १२ प्रतिशत नगद फिर्ता पाउने
काठमाडौं, १५ फागुन । एनआईसी एशिया बैंकले आफ्ना ग्राहकहरूलाई लक्षित गरी ई–कमर्श प्ल्याटफर्म सस्तो डिल मार्फत साताको अन्तिम दिन शनिबार किनमेल गरी भुक्तानी गर्दा १२ प्रतिशत वा अधिकतम ५ सय रुपैयाँ सम्म नगद फिर्ता प्राप्त गर्न सकिने योजना ल्याएको छ । बैंकको डेबिट तथा क्रेडिट कार्डबाट ई–कमर्श भुक्तानी गर्दाको हकमा ग्राहकहरूले उक्त मात्रामा नगद फिर्ता प्राप्त गर्न सक्ने बैंकले जनाएको छ ।
बैंक र सस्तो डिलको समझदारीअनुसार फाल्गुन १५ देखि प्रत्येक शनिबार यो छुट पाउने छन् । यसका लागि ग्राहकहरूले सामग्री गरिद गर्न कुल रकम भुक्तानी गर्नुपर्नेछ भने त्यसको सात कार्य दिनपछि बैंकले प्राप्त गर्नुभएको नगद फिर्ता रकम सम्बन्धित बैंक खातामा जम्मा गरिदिने व्यवस्था समेत गरेको जनाइएको छ ।
बैंकले हाल ३ सय ५२ शाखा कार्यालयहरू मार्फत वित्तीय सेवा दिदै आएको छ।
