आइतबार सुनको मूल्य बढ्यो
काठमाडौं, २३ फागुन । स्थानीय बजारमा आइतबार (आज) सुनको मूल्य ५०० रुपैयाँले वृद्धि भएको छ । लगातारजसो ओरालो लागेको सुनको मूल्य आज ५०० रुपैयाँ वृद्धि भएर कारोबार भएको नेपाल सुनचाँदी व्यवसायी महासंघले जनाएको छ ।
शुक्रबार प्रतितोला ८५ हजार ६०० रुपैयाँमा कारोबार भएको सुन आज प्रतितोला ८६ हजार १०० रुपैयाँमा कारोबार भइरहेको महासंघले जनाएको छ ।
त्यस्तै आज चाँदीको मूल्य भने स्थिर रहेको छ । आज चाँदी प्रतितोला १ हजार २५० रुपैयाँमा खरिद विक्री भइरहेको छ ।
