वारेन बफेट पहिलोपटक एक सय बिलियन डलर क्लबमा
काठमाडौं, २७ फागुन । अमेरिकी अर्बपति वारेन बफेट पहिलोपटक एक सय अर्ब अमेरिकी डलर क्लबमा सामेल भएका छन् । बुधबार उनको खुद सम्पत्ति एक सय अर्ब अमेरिकी डलर पुगेको छ ।
उनी सहित यो क्वलमा यसअघि नै एलोन मस्क, जेफ बेजोस र बिल गेट्स पुगिसकेका छन् । बफेट बर्कशायर ह्याथवेका अध्यक्ष समेत हुन् । उनलाई विश्वको सर्वाधिक सफल लगानीकर्तामध्ये एक मानिन्छ ।
उनले अमेरिकाको कोकाकोला, वेल्स फार्गो एण्ड कम्पनी, जिलेट, अमेरिकन एक्सप्रेस, प्रोक्टर एण्ड ग्याम्बल, क्राफ्ट फुड्स जस्ता ठूला धेरै कम्पनीमा लगानी गरेका छन् ।
विश्वको सबैभन्दा सफल लगानीकर्ताको रूपमा सम्मानित उनले आफ्नो अर्बौं सम्पत्ति दानमा समेत दिएका छन् ।
