एनआइसी एशियाका ग्राहकले अनलाईन मार्फत सामान खरिद गरी डिजिटल भुक्तानी गर्दा १५ प्रतिशत नगद फिर्ता पाउने
काठमाडौं, २० वैशाख । एनआईसी एशिया बैंकले आफ्ना ग्राहकलाई घरमै बसेर विभिन्न अनलाईनमार्फत यही वैशाख ३१ सम्म अत्यावश्यक सामग्री खरिद गर्दा १५ प्रतिशत वा अधिकतम पाँच सय रुपैयाँसम्म नगद फिर्ताको योजना सार्वजनिक गरेको छ । बैंकले सस्तोडिल, ग्यापु, रिचार्जर, इन्फि स्टोर र खानपिन फूड एन्ड टूरबाट दैनिक अत्यावश्यक सामग्रीहरू खरिद गर्दा नगद फिर्ता प्राप्त गर्न सकिने व्यवस्था गरेको हो ।
बैंकले ग्राहकलाई डिजिटल कारोबारमा प्रोत्साहन गर्नका निमित्त ई–कमर्श कम्पनीहरूबाट सामग्री खरिद गर्दा आकर्षक नगद फिर्ताको व्यवस्था गरेको हो । यसका लागि ग्राहकहरूले बैंकको कार्डमार्फत ई–कमर्श तथा पिओएस भुक्तानी एवं मोबाइल तथा क्यूआर कोर्डबाट भुक्तानी गरी यस योजनामा सहभागी हुन सक्ने बैंकले जनाएको छ।
