दशैं, तिहार बिदामा पनि खुल्छन् हिमालयन बैंकका यी शाखा
काठमाडौं, २४ असोज । हिमालयन बैंकले दशैं, तिहार बिदामा पनि केही शाखामार्फत ग्राहकलाई सेवा दिने भएको छ । बैंकले आइतवार एक सूचना जारी गर्दै चाडपर्वका सार्वजनिक बिदामा पनि देशभरका निश्चित शाखा खोलिने जानकारी गराएको हो ।
बैंकले असोज २६ र २७ गते (मंगलवार र बुधवार) ठमेल शाखा बिहान १० बजेदेखि १ बजेसम्म सञ्चालन गर्ने भएको छ । यसैगरी तिहारमा लक्ष्मीपूजाको दिन (कात्तिक १८ गते) समेत सोही शाखा बिहान १० देखि १ बजेसम्म खोलिने जानकारी बैंकले दिएको छ ।
साथै यही असोज ३१ गते प्रदेश १ सरकारले सार्वजनिक बिदा दिएको दिन बैंकको दमक शाखा बिहान १० देखि ३ बजेसम्म खुला रहने बैंकले सूचनामार्फत जानकारी दिएको छ ।
