सन्राइज क्यापिटलको ११औं वार्षिक साधारण सभा सम्पन्न, ४० प्रतिशत नगद लाभांश पारित

काठमाडौं, १२ कात्तिक । सन्राइज क्यापिटल लिमिटेडको ११औं वार्षिक साधारण सभा सम्पन्न भएको छ । कम्पनीले शुक्रबार भर्चुअलमाध्यमबाट सभा आयोजना गरी सम्पन्न गरेको हो । सभाले संचालक समितिले प्रस्ताव गरे बमोजिम चुक्तापूँजीको ४० प्रतिशत कर प्रयोजनसहित हुन आउने ८ करोड नगद लाभांस वितरण गर्ने प्रस्ताव पारित गरेको छ ।

सभाले आर्थिक वर्ष २०७७÷०७८ को सञ्चालक समितिको प्रतिवेदन पारित गर्नुका साथै २०७८ आषाढ मसान्त सम्मको वासलात, नाफा नोक्सान हिसाब तथा नगद प्रवाह विवरण लगायतका वार्षिक वित्तीय विवरण उपर छलफल गरी पारित गरेको छ ।