नाडा अध्यक्षमा थापा बिजयी
काठमाडौं, २४ मंसिर । नाडा अटोमोबाइल्स एशोसिएसन अफ नेपालको अध्यक्षमा ध्रुब थापा निर्वाचित भएका छन् । थापाले प्रतिद्वन्द्वी करण चौधरीलाई ६६ मतले जितेर बिजयी भएका हुन् ।
अध्यक्ष बिजयी थापको १ हजार ४ सय १३ मत र प्रतिद्वन्द्वी चौधरीले १ हजार ३ सय ४७ मत पाएको नाडाको निर्वाचन आयोगले जनाएको छ ।
थापा र चौधरीले प्यानल नै बनाएर मत मागेकाले चौधरीको प्यानलबाट १२ जना विजयी भएका छन् भने थापाको प्यानलबाट ५ जना निर्वाचित भएका हुन् ।
आयोगका अनुसार चौधरी पक्षबाट राजनबाबु श्रेष्ठ, सुनिल रिजाल, सुरेन्द्रकुमार उप्रेती, अनुपकुमार बराल, मिलनबाबु मल्ल, अभिक ज्योति, प्रकाश कपुरी, विक्रम सिंहानिया, वरदान बस्नेत, निलमणि पाठक, पंकज अग्रवाल र गोपाल भट्टराई निर्वाचित भएका छन् ।
यस्तै थापा पक्षबाट निराकार श्रेष्ठ, आकाश गोल्छा, कपिल शिवाकोटी, प्रदीपमान प्रधान र यमुना श्रेष्ठ निर्वाचित भएका छन् ।
संघीय संरचना अनुसार नाडामा २ हजार २ सय नयाँ सदस्य भएका छन् ।
