एक लाख म्यादी प्रहरी माग्दा दुई लाख ८९ हजारको आवेदन
काठमाडौं, १२ चैत । एक लाख म्यादी प्रहरीका लागि आवेदन आह्वान गरिएकोमा दुई लाख ८९ हजार चार सय एक जनाले आवेदन दिएका छन्। आवेदनको समय शुक्रबार साँझ ५ बजे सकिएको छ।
स्थानीय तहको आगामी निर्वाचनका लागि
चैत ६ देखि भर्ना आवेदन आह्वान गरिएको थियो। आवेदन भरेकामध्ये ५९ हजार चार सय ८९ महिला र दुई जना तेस्रो लिङ्गी पनि रहेको प्रहरी प्रधान कार्यालयले जानकारी दिएको छ ।
अवेदन दिएकाहरुबाट चैत १५ गतेदेखि छनोट प्रारम्भ हुने, चैत २२ गतेसम्म छनोट सम्पन्न गर्ने र चैत २८ गतेदेखि प्रशिक्षण सुरु गर्ने प्रहरी प्रधान कार्यालयको तयारी छ ।
