टेलिकममा प्रबन्ध निर्देशक नियुक्ति गर्न सरकारलाई बाटो खुल्यो
काठमाडौं, १७ चैत । नेपाल टेलिकमको प्रबन्ध निर्देशक ं(एमडी) नियुक्ति प्रक्रियाकोे लागि बाटो खुलेको छ । करिब तीन महिनादेखि रोकिएको प्रबन्ध निर्देशकको नियुक्ति सर्वोच्चमा परेको रिट खारेज भए संगै एमडी नियुक्त गर्न सरकारलाई बाटो खुलेको हो ।
बुधबार सर्वोच्च अदालतका न्यायाधीश तेजबहादुर केसी र पूर्ण चुँडालको संयुक्त इजलासले रिट निवेदन खारेज गरि दिएका हुन । अब पहिलेकै नियुक्ति प्रक्रियालाई सरकारले अघि बढाउन पाउने भएको छ ।
सरकारी स्वामित्वको नेपाल टेलिकमको प्रबन्ध निर्देशक छनौटका लागि सञ्चार तथा सूचना प्रविधि मन्त्रालयका सचिव वैकुण्ठ अर्यालको नेतृत्वमा समिति गठन भएको थियो । यो समितिले प्रबन्ध निर्देशकका लागि आवेदन माग गर्दै मंसिर २२ गते सूचना प्रकाशित गरेको थियो ।
कुनै एउटा व्यक्तिका लागि सजिलो हुनेगरि कार्यविधि संशोधन गर्दै सरकारले योग्यता निर्धारण गरेको भन्दै छनौट प्रक्रियाविरुद्धमा अदालतमा मुद्दा परेको थियो । प्रबन्ध निर्देशकको लागि मागिएको आवेदनमा ९ जनाले आवेदन दिएका छन्। आवेदन दिनेमा टेलिकमै पूर्व एमडी बुद्धिप्रसाद आचार्य र अन्य कर्मचारीसहित ९ जना रहेका छन ।
