जेबिल्स फाइनान्सको हकप्रद स्विकृत
काठमाडौं, २० वैशाख । नेपाल धितोपत्र बोर्डले जेबिल्स फाइनान्सलाई हकप्रद शेयर निष्कासनको लागि स्विकृती दिएको छ । फाइनान्सले १० बराबर ४ कित्ता अर्थात ४० प्रतिशत हकप्रद शेयर निष्कासन गर्ने भएको छ ।
फाइनान्सले एक सय रुपैयाँ अंकित मुल्य भएको २३ करोड ११ लाख ६५ हजार रुपैयाँ बराबरको २३ लाख ११ हजार ६५० कित्ता हकप्रद शेयर निष्कासन गर्ने भएको छ । फाइनान्सले हकप्रद शेयर निष्कासनको लागि पौष ३ गते आवेदन दिएको थियो । यस्तै उक्त हकप्रद शेयर निष्कासनको लागि बिक्री प्रबन्धकमा सनराइज क्यापिटललाई नियुक्त गरिएको छ ।
हकप्रद शेयरको पुँजीकरण पछि फाइनान्सको चुक्ता पुँजी ८० करोड ९१ लाख रुपैयाँ पुग्ने छ । फाइनान्सको हाल चुक्ता पुँजी ५७ करोड ७९ लाख रुपैयाँ रहेको छ ।
