सुनको मूल्य ४ सयले घट्यो

काठमाडौं, १२ जेठ । यस साताको पाचौं कारोबार दिन बिहीबार सुनचाँदीको मूल्य घटेको छ ।

बुधबारको तुलनामा यस दिन छापावाला सुनको मूल्य प्रतितोला ४ सयले घटेको छ भने चाँदीको मूल्य ५ रुपैयाँले घटेर कारोबार भएको नेपाल सुनचाँदी महासंघले सार्वजनिक गरेको तथ्यांकमा उल्लेख छ ।

बुधबार छापावाला सुन प्रतितोला ९८ हजार २ सय र चाँदी प्रतितोला १२ सय ७५ रुपैयाँमा कारोबार भएको थियो । यस्तै आज बिहीबार मूल्य घटेर सुन प्रतितोला ९७ हजार ८ सय र चाँदीको प्रतितोला १२ सय ७० रुपैयाँमा कारोबार भएको महासंघले जनाएको छ ।