राष्ट्र बैंकले चालु पूँजी कर्जा मार्गदर्शन संशाेधन गरेसँगै उचालियाे सेयर बजार
काठमाडाैं, २० पुस । साताको कारोबारको चौथौ दिन आज ‘बुधबार’ पनि नेपाल स्टक एक्सचेन्ज नेप्से परिसूचक दाेहाेराे अंकले बढेकाे छ । आज नेप्से परिसूचक ६४.८७ अंकले बढेर २१२५.९४ बिन्दुमा पुगेको हाे । मंगलबार आज नेप्से ३.०३ अंकले घटेर दुई हजार ६१ दशमलब ६ विन्दुमा बन्द भएको थियो ।
शेयरबजार बढेसँगै कारोबार रकममा पनि वृद्धि भएको छ । आज तीन अर्ब ५० करोड ११ लाख रुपैयाँ बराबरको कारोबार भएको छ । मंगलबार तीन अर्ब ४५ करोड ८९ लाख रुपैयाँ बराबरको कारोबार भएको थियो ।
आज कारोबार भएका कम्पनीमध्ये २०७ वटा कम्पनीको शेयरमूल्य बढेको छ भने ५ वटा कम्पनीको शेयरमूल्य घटेको छ । नेप्सेका अनुसार आज आठ कम्पनीको शेयरमूल्य १० प्रतिशतले बढेको छ । भने २२ वटा कम्पनीको शेयरमूल्य ९ प्रतिशत भन्दा बढीले बढेको छ ।
निजी क्षेत्रले माग गरेकाे चालु पूँजी कर्जा मार्गदर्शनलाई राष्ट्र बैंकले संशाेधन गरेसँगै बजारमा बजारमा यसकाे सकारात्मक प्रभाव परेकाे देखिन्छ ।
