आज एकैदिन ताेलामा २००० रूपैयाँले घट्याे सुनकाे मूल्य, कतिमा हुँदैछ काराेबार ?
काठमाडौं, २२ माघ। नेपाली बजारमा आइतबार सुनचादीकाे मूल्य घटेकाे छ । आज एकैदिन सुनकाे मूल्य ताेलामा २००० रूपैयाँले घटेकाे नेपाल सुनचाँदी व्यवसायी महासंघले जनाएकाे छ ।
आइतबारका लागि छापावाल सुन प्रतितोला एक लाख ४ हजार १ सय रुपैयाँ निर्धारण भएको महासंघले जनाएकाे छ । गत शुक्रबार पनि सुनको मूल्य तोलामा १४सय रुपैयाँले घटेर प्रतितोला एक लाख ६ हजार एक सय रुपैयाँमा कारोबार भएको थियो।
यस्तै तेजावी सुनकाे मूल्य आज ताेलाकाे १ लाख ३ हजार ६०० रूपैयाँ निर्धारण गरीएकाे छ । गत शुक्रबार तेजावी सुन प्रतिताेला १ लाख ५ हजार ६०० रूपैयाँमा काराेबार भएकाे थियाे ।
यता आज चाँदीको मूल्य तोलामा ४५ रुपैयाँले घटेको छ। आइतबार चाँदी प्रतितोला एक हजार ३ सय २० रुपैयाँ कायम छ। शुक्रबार चाँदी तोलामा ३० रुपैयाँले घट्दै प्रतितोला एक हजार ३ सय ६५ रुपैयाँ थियो।
