सिभिल बैंक औपचारिक रुपमा हिमालयन बैंकमा विलय, शूरू भयाे एकिकृत काराेबार
काठमाडौं, १२ फागुन । शुक्रबारदेखि हिमालयन बैंक र सिभिल बैंकको एकीकृत कारोबार सुरु भएको छ । आजदेखि सिभिल बैंक औपचारिक रुपमा शुक्रबारदेखि हिमालयन बैंकमा विलय भएको हाे । हिमालयन बैंकले र सिभिल बैंकलाई प्राप्ति गरी हिमालयन बैंकको नामबाट एकीकृत कारोबार सुरू भएको हो।
हिमालयन बैंकका अध्यक्ष प्रचण्ड श्रेष्ठले शुक्रबार बैंकको केन्द्रिय कार्यालय कमलादीमा पूजापाठ गर्दै एकीकृत कारोबार गरेका हुन् ।
हिमालयन बैंकले सिभिल बैंकलाई १ सय बराबर ८०.२८ अनुपातमा प्राप्ति गरेको हो । यसको अर्थ सिभिल बैंकको १०० कित्ता सेयर हुने सेयरधनीले अब हिमालयन बैंकको ८० कित्ता पाउने छन् ।
हिमालयन बैंकको सञ्चालक समितिको अध्यक्ष प्रचण्डबहादुर श्रेष्ठ बनेका छन् । साथै फैशल एन लालनी, सुनिल बहादुर थापा, जितेन्द्र धिताल, आशिष शर्मा, विजय बहादुर श्रेष्ठ र राधाकृष्ण पोटे सञ्चालक बनेका छन् । बैंकको प्रमुख कार्यकारी अधिकृत (सीईओ) अशोक राणा बनेका छन् ।
