बुधबार पनि झिनाे अंकले बढ्याे नेप्से, ८१ करोड ६२ लाख रुपैयाँ बराबरको कारोबार
काठमाडौं, १५ चैत । बुधबार पनि सेयर बजार सामान्य अंकले बढेककाे छ । आज १.०२ अंकले बढेको बजार १९१९.४२ विन्दुमा पुगेर रोकिएको छ ।
बुधबार कारोबार रकम भने उल्लेख्य घटेको छ । कुल २५८ धितोपत्रको २५ हजार ४१३ वटा कारोबारबाट २५ लाख ३९ हजार ४८ कित्ता सेयर किनबेच हुँदा कारोबार रकम ८१ करोड ६२ लाख १९ हजार १२९ रुपैयाँको मात्र भएको छ । मंगलबार १ अर्ब ४४ करोड ३७ लाख १३ हजार ८७८ रुपैयाँको कारोबार भएको थियो ।
आज कारोबार भएका ८७ कम्पनीको शेयरमूल्य बढेको छ भने ११४ कम्पनीकोे शेयरमूल्य घटेको छ । यसका साथै १५ कम्पनीको शेयरमूल्य स्थिर रहेको छ ।
