बढ्याे सुनकाे मूल्य, ताेलाकाे १ लाख १२ हजार ४०० रुपैयाँ

काठमाडाैं, २८ असार । बिहिबार पनि सुनचाँदीकाे मूल्य बढेकाे छ । आज सुनकाे मूल्य ताेलामा ८०० रूपैयाँले बढेकाे हाे ।

नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला ८०० रुपैयाँले बढेर १ लाख १२ हजार ४०० रुपैयाँ कायम भएको छ । बुधबार छापावाल सुन प्रतिताेला १ लाख ११ हजार ६०० रुपैयाँमा काराेबार भएकाे थियाे ।

यसैगरी, तेजावी सुनको मूल्य तोलाको १ लाख ११ हजार ८५० रुपैयाँ निर्धारण भएको महासंघले जाएकाे छ । हिजाे तेजावी सुन प्रतिताेला १ लाख ११ हजार ५० रुपैयाँमा काराेबार भएकाे थियाे ।

यता, आज चाँदीको भाउ पनि तोलामा ४० रुपैयाँले बढेर १४ सय ४० रुपैयाँ कायम भएको छ । बुधबार चाँदीको भाउ प्रतितोला १४ सय रुपैयाँमा कारोबार भएको थियो ।