एनएलजी इन्स्योरेन्सका विशेष साधारणसभा सम्पन्न, ६६ प्रतिशत हकप्रद शेयर पारित
काठमाडौं, १५ साउन । एनएलजी इन्स्योरेन्स कम्पनीको विशेष साधारणसभा आइतवार काठमाडौंमा सम्पन्न भएको छ । सभाले कम्पनीको हाल कायम रहेको चूक्ता पूँजी रु. १ अर्ब ४५ करोड ९२ लाख ७५ हजार ७९०.५० को १० शेयर बराबर ६.६ शेयर (६६ प्रतिशत)को अनुपातले हकप्रद शेयर जारी गर्ने सम्बन्धी विशेष प्रस्ताव सभाबाट सर्वसम्मतिले पारित गरेको छ । कम्पनीका अध्यक्ष श्री विमल प्रसाद वाग्लेले विशेष साधारण सभा बोलाउनु पर्नाको कारणको पृष्ठभूमि सम्बन्धमा सभामा जानकारी गराए । यस कम्पनीले आर्थिक वर्ष २०७८–७९ को तुलनामा १.८९ प्रतिशत वृद्धि भई कूल बीमाशुल्क रू. २ अर्ब ४१ करोड आर्जन गर्न सफल भएको छ । कम्पनीले आर्थिक वर्ष २०७९–८० मा रु. २ अर्ब १५ करोडको कूल दावी भुक्तानी गरेको छ, जुन गत वर्ष २०७८–७९ मा रु. १ अर्ब ९४ करोड रहेको थियो । यस कम्पनीको कूल दावी भुक्तानी गतवर्ष भन्दा रकममा रु. २१ करोड तथा प्रतिशतमा १०.८३ प्रतिशतले वृद्धि भएको ।
