कतार जाने नेपाली कामदारको संख्या घट्दो
काठमाडौ,२५ जेठ । बैदेशिक रोजगारका लागि खाडी मुलुक कतार जाने नेपाली कामदारको संख्यामा कमि आएको छ । गएको एक वर्षमा त्यहाँ जाने नेपाली कामदारको सङ्ख्या झण्डै २० प्रतिशतले घटेको बैदेशिक रोजगार विभागको तथ्याङ्कले देखाएको छ । जसका कारण त्यहाँबाट भित्रिने विप्रेषण अर्थात् रेमिटेन्समा पनि कमी आएको राष्ट्रबैको पछिल्लो अर्थिक सर्वेक्षणले देखाएको छ ।
आतङ्कवादलाई सघाएको भन्दै साउदी अरेबियासहितका छिमेकी मुलुकले कतारसँग सम्बन्ध तोडी नाकाबन्दी कारण कतारको श्रम बजारमा प्रभाव परेको र त्यसको असर सरुप कामदार जाने संख्यमा पनि कमि आएको हुन सक्ने बताइएको छ ।
वैदेशिक रोजगार विभागका अनुसार २०७३ देखि २०७४ साउनसम्म कतार जाने नेपाली कामदारको सङ्ख्या एक लाख २१ हजारजति थियो। आजसम्मको तथ्याङ्क हेर्दा उक्त सङ्ख्या २५ हजारले घटेर ९६ हजार पुगेको छ।
