नेपालको धागो निर्यात घट्यो, गत वर्ष १२ अर्ब २० करोडको निकासी
काठमाडौं, ३२ साउन । गत आर्थिक २०७९–८० मा नेपालबाट धागो निर्यात घटेको छ । सो अवधिमा नेपालबाट १२ अर्ब २० करोड २८ लाख रुपैयाँ बराबरको धागो निर्यात भएको छ, जुन अघिल्लो वर्षको तुलनामा २.९ प्रतिशतले कम हो । अघिल्लो आर्थिक वर्षमा १२ अर्ब ५७ अर्ब २८ लाख रुपैयाँ बराबरको धागो निकासी भएको थियो ।
गत आर्थिक वर्षमा नेपालबाट सबैभन्दा धेरै धागो भारतमा निर्यात भएको छ । सो अवधिमा भारतमा मात्रै १० अर्ब १३ करोड ३२ लाख रुपैयाँ बराबरको धागो निर्यात भएको भन्सार विभागको तथ्यांक छ । यस्तो दोस्रोमा टर्कीमा १ खर्ब ९९ अर्ब २५ लाख रुपैयाँ बराबरको धागो निर्यात भएको छ भने भियतनाममा २ करोड ९३ लाख रुपैयाँ बराबरको निकासी भएको छ ।
