रिलायन्स फाइनान्सले १२ प्रतिशत बोनस शेयर दिने
काठमाडौं, ३१ जेठ । रिलायन्स फाइनान्सले शेयरधनीहरुलाई १२ प्रतिशत बोनस शेयर दिने निर्णय गरेको छ । फाइनान्सले हालको चुक्ता पुँजी ७४ करोड ३२ लाख रुपैयाँको १२ प्रतिशत बोनस शेयर दिने भएको हो ।
शेयरधनीहरुलाई बोनस शेयरमा लाग्ने कर तिर्न ०.६३ प्रतिशत नगद लाभांश समेत दिने जनाएको छ । फाइनान्सले यसअघि जारी गरेको १० बराबर ४.५ कित्ता अर्थात ४० प्रतिशत हकप्रद शेयर आवेदनकर्ताहरुलाई समेत सो प्रस्तावित बोनस शेयर दिने बताएको छ । फाइनान्सले २३ हजार ६६ लाख ५७१.६० कित्ता हकप्रद शेयर जारी गरेको हो ।
बोनस शेयर पछि फाइनान्सको चुक्ता पुँजी ८३ करोड २३ लाख रुपैयाँ पुग्ने छ ।
