सरकारको राजस्व सङ्कलनमा झिनो सुधार
काठमाडौं, सरकारले कुल लक्षित राजस्व सङ्कलनमध्ये १७ प्रतिशत सङ्कलन गर्न सफल भएको छ । अर्थ मन्त्रालयको तथ्यांकअनुसार २०८० कात्तिक १४ सम्म सरकारले २५ अर्ब राजश्व सङ्कलन गरेको छ । करिब १ खर्ब ४७ अर्ब राजस्व सङ्कलन गर्ने लक्ष्य राखेको सरकारले पहिलो तीनमा कुल राजस्वको १७ दशमलव २१ प्रतिशत राजस्व सङ्कलन गरेको छ ।
अर्कोतर्फ सरकारले आर्थिक वर्ष ८०/८१ को पहिलो तीन महिनामा लक्ष्यको १७ प्रतिशत बजेट खर्च गरेको छ । तथ्यांकअनुसार राजस्व संकलन बढेसँगै सरकारी खर्च पनि बढेको देखाएको छ । सरकारले आर्थिक वर्ष ८०/८१ को पहिलो तीन महिनामा बजेट लक्ष्यको १७.४९ प्रतिशत खर्च गरेको छ ।
योसँगै आय–व्यय अनुपात ०.९९ प्रतिशत रहेको तथ्यांकले देखाएको छ ।
गत वर्षको सोही अवधिमा सरकारले कुल अनुमानित लक्ष्यको १६ दशमलव ८२ प्रतिशत राजस्व संकलन गरेको थियो भने अनुमानित लक्ष्यको १६ दशमलव ८६ प्रतिशत खर्च गरेको थियो ।
