नेपाल एसबिआई बैंकका सम्पूर्ण ग्राहकलाई ओम कृष्ण अस्पताल एण्ड रिसर्च सेन्टरमा छुट
काठमाडौं, १९ पुस । नेपाल एसबिआई बैंक लिमिटडका सम्पूर्ण ग्राहकले ओम कृष्ण अस्पताल एण्ड रिसर्च सेन्टर प्राईभेट लिमिटेडमा छुट पाउने भएका छन् ।
छुट सम्बन्धी नेपाल एसबिआई बैंक र ओम कृष्ण अस्पताल एण्ड रिसर्च सेन्टर टिकापुर कैलाली बीच सम्झौता पत्रमा हस्ताक्षर भएको छ ।
सम्झौता पत्र अनुसार बैंकका सम्पूर्ण भिसा, डेबिट कार्ड तथा मोबाईल बैकिङ्ग सेवा प्रयोगकर्ता लगायतका सम्पूर्ण ग्राहकलाई ओम कृष्ण अस्पताल एण्ड रिसर्च सेन्टरमा विभिन्न स्वास्थ्य सेवामा छुट हुनेछ ।
उक्त सम्झौतामा सूदूरपश्चिम प्रदेश प्रमुख सन्तोष कुमार भण्डारी र अस्पतालका अध्यक्ष रत्ना उपाध्याय (बजगाइं) बीच सम्पन्न भएको थियो । सम्झौता समारोहमा अस्पतालका तर्फबाट कृष्ण प्रसाद उपाध्याय (बजगाइं) तथा बैकका कर्मचारीहरुको पनि उपस्थिति रहेको थियो ।
