कर्जा ग्राहकहरुलाई एनआईसी एशिया बैंककाे छुटसम्वन्धी योजना सार्वजनिक
काठमाडाैं, १८ असार । एनआईसी एशिया बैंकले कर्जा ग्राहकहरूलाई प्रदान गरिने छुटसम्बन्धी योजना सार्वजनिक गरेको छ ।
बैंकका अनुसार २०८१ असार महिनाभित्रमा ऋण चुक्ता गरेमा जरिवाना तथा हर्जाना रकममा शत प्रतिशत छुट र साधारण बक्यौता ब्याज रकममा छुट दिइने छ । २०८० चैत मसान्तमा भाखा नाघेका ऋणीहरूले यस्तो अवसर पाउने छन् ।
बैंकका अनुसार भाखा नाघेको ९१ देखि १८० दिनसम्म साधारण ब्याज रकममा १५ प्रतिशत छुट पाउने छन् भने १८१ देखि ३६५ दिनसम्म २५ प्रतिशत छुट पाइने छ । भाखा नाघेको अवधि ३६५ दिनभन्दा बढी भएमा ३५ प्रतिशत छुट पाउने छन् ।
देशको आर्थिक शिथिलताका कारण बैंकका ऋणीहरूमा पर्न गएको असरलाई न्यूनीकरण गर्न सघाउ पुर्याउने उद्देश्यले यस्तो योजना सार्वजनिक गरिएको बैंकले जनाएको छ ।
