ताेलामा १ हजार रूपैयाँले बढ्याे सुनकाे मूल्य

काठमाडौं, १३ साउन । नेपाली बजारमा आइतबार सुनचाँदीकाे मूल्य बढेकाे छ । गत शुक्रबार ताेलामा ३०० रूपैयाँले घटेकाे सुनकाे मूल्य आज एक हजार रुपैयाँले बढेकोको हाे ।

नेपाल सुनचाँदी व्यवसायी महासङ्घका अनुसार आज छापावाला सुन १ लाख ४५ हजार ७ सय र तेजावी सुन १ लाख ४५ हजार रूपैयाँ निर्धारण भएकाे छ ।

गत शुक्रबार छापावाला सुन शुक्रबार प्रतितोला १ लाख ४४ हजार ७ सय र तेजाबी सुन १ लाख ४४ हजार रूपैयाँमा कारोबार भएको थियो ।

यस्तै आज चाँदी तोलामा १० ले वृद्धि भएको छ । शुक्रबार प्रतितोला एक हजार सात सय ३० मा कारोबार भएको चाँदी आइतबारका लागि एक हजार सात सय ४० निर्धारण भएको छ ।