झण्डै तीन गुणा बढ्यो ईभिको आयात, गत एक वर्षमा २९ अर्बका बिजुली गाडी नेपाल भत्रिए
काठमाडौं, १६ साउन । एक वर्षमा २९ अर्ब ४८ करोड २७ लाख रुपैयाँबराबरको ११ हजार ७०१ वटा विद्युतीय गाडी आयात भएका छन् ।
गत आर्थिक वर्ष २०८०/८१ मा सबैभन्दा बढी १०१ देखि २०० किलोवाटसम्मका ६ हजार ८८५ गाडी भित्रिएका छन् भने ५० किलोवाटभन्दा मुनिका चार हजार ५७१ गाडी, १०१ देखि २०० किलोवाटका २१७ गाडी, २०१ देखि ३०० किलोवाटका २१ र ३०० किलोवाटभन्दा माथि एउटा गाडी भित्रिएका छन् ।
भन्सार विभागको तथ्यांकअनुसार अघिल्लो आर्थिक वर्षको तुलनामा झण्डै तिन गुणा बढी विद्युतीय सवारी साधनको आयात भएको छ ।
अघिल्लो आर्थिक वर्ष २०७९/८० मा ४ हजार ४६ वटा इभि आयात भएका थिए ।
गर वर्ष विद्युतीय सवारी साधन आयातबाट सरकारले १२ अर्ब ९९ करोड ४ लाख ३१ हजार रुपैयाँ राजस्व सङ्कलन गरेको छ । जुन अघिल्लो आर्थिक वर्षको तुलनामा ९ अर्ब ७१ करोड ९८ लाख ६४ हजार रुपैयाँँले बढी हो । अघिल्लो आर्थिक वर्षको असार मसान्तसम्ममा इभि गाडि आयात गरी राज्यले ३ अर्ब २७ करोड रुपैयाँ राजस्व सङ्कलन गरेको थियो ।
