बुधबार सुनकाे मूल्यमा नयाँ रेकर्ड, ताेलकाे १ लाख ५३ हजार
काठमाडाैं, ५ भदाै । बुधबार नेपाली बजारमा सुनचाँदीकाे मूल्य बढेकाे छ । आज सुनकाे मूल्य ताेलामा ८०० रूपैयाँले बढेर हालसम्मकै उच्च मूल्यमा पुगेकाे छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १ लाख ५३ हजार रुपैयाँ निर्धारण भएको छ। मंगलबार सुन तोलामा १०० रुपैयाँले घटेर प्रतितोला १ लाख ५२ हजार २०० रुपैयाँमा कारोबार भएको थियो।
यस्तै, आज चाँदीको मूल्य तोलामा १५ रुपैयाँले बढेर १ हजार ८३५ रुपैयाँ पुगेको छ। मंगलबार चाँदी तोलामा १० रुपैयाँले बढेर प्रतितोला एक हजार ८२० रुपैयाँमा कारोबार भएको थियो।
