साउनमा करिब ३ अर्बको खाद्यान्न आयात
काठमाडाैं, ८ भदौ । चालु आर्थिक वर्ष २०८१/०८२ को पहिलो महिना साउनमा नेपालले करिब ३ अर्ब रुपैयाँको खाद्यान्न आयात गरेको छ । भन्सार विभागको तथ्यांक अनुसार चालु आर्थिक वर्षको पहिलो महिना साउनमा २ अर्ब ९२ करोड ५३ लाख रुपैयाँको खाद्यान्न आयात भएको हो ।
धान, मकै, गहुँ लगायत विभिन्न खाद्यवस्तु भारत, चीन, मेक्सिको, जर्मनी लगायतका मुलुकबाट आयात गरिएको विभागले जनाएको छ ।
यस अवधिमा नेपालबाट १५ लाख ९५ हजार रुपैयाँको मात्रै खाद्यान्न निर्यात भएको छ ।
सरकारले खाद्यान्नको कारोबारबाट २ अर्ब ९२ करोड ३७ लाख रुपैयाँ व्यापार घाटा बेहोरेको छ ।
