शेयर बजार २६३० विन्दुमा उक्लियो
काठमाडौं, ११ पुस । बिहिबार नेपाल स्टक एक्सचेञ्ज नेप्से ४.१९ अंकले बढेको छ । आज सेयर बजार मापक नेप्से परिसुचक ०.१५ प्रतिशतले बढेर २ हजार ६ सय ३० बिन्दुमा पुगेको छ।
यस दिन २ कराेड ९ लाख ७८ हजार ९७९ कित्ता सेयर ५ अर्ब ३२ करोड ९२ लाख ७४ हजारमा कारोबार भएको छ । गत मंगलबार १ कराेड २७ लाख ४६ हजार ४१० कित्ता सेयर ५ अर्ब २० करोड २२ लाख ६३ हजारमा कारोबार भएको थियो ।
आज कारोबार भएको बजारमा ७० कम्पनीको सेयर मुल्य बढेको छ भने १६३ वटा कम्पनीको सेयर मुल्य घटेको छ । यस्तै ९ सेयरको मूल्य स्थिर रहेको छ ।
यस दिन आत्मनिर्भर लघुवित्त वित्तीय संस्था र सर्पाेट माइक्रोफाइनान्स बित्तीय संस्थाकाे सेयर मूल्यमा सकारात्मक सर्किट लागेको छ भने गुराँस लघुवित्त बित्तीय संस्थाको सेयर मुल्य ९.९९ प्रतिशतले बढेको छ ।
यस्तै आज कर्पोरेट विकास बैंक, नारायणी विकास बैंक र सिन्धु विकास बैंककाे सेयर मुल्यमा नकारात्मक सर्किट लागेको छ ।
आज बैंकिङ, लगानी, लघुवित्त, ट्रेडिंग समूह बाहेक अन्य सबै समूहका उपसुचकहरु घटेका छन्।
