निगमको ‘मकालु’ वाइड बढी विमान साउन ११ गते काठमाडौँमा अवतरण गर्ने
काठमाडौं,६ साउन । राष्ट्रिय ध्वजावाहक नेपाल वायु सेवा निगम (नेपाल एयरलाइन्स)को ‘मकालु’ नाम राखिएको वाइड बढी विमान यही साउन ११ गते काठमाडौँ आइपुग्ने भएको छ । निगमाका अनुशार फ्रान्समा परीक्षण उडानमा रहेको सो विमान साउन ११ गते त्रिभुवन अन्तर्राष्ट्रिय विमानस्थलमा अवतरण गर्ने छ ।
दोस्रो वाइड बढी विमान भित्र्याउनका लागि निगमको एक समूह ‘टोली’ अस्ती शुक्रबार नै फ्रान्स गइसकेको छ । निगमका महाप्रबन्धक सहितको टोली आज त्यसतर्फ जाने तयारीमा रहेको निगमा प्रवक्ता रवीन्द्र श्रेष्ठले जानकारी दिए । नाइन एन एएलजेट’ कलसाइनको उक्त विमान नेपाल भित्र्याउने सम्पूर्ण तयारी पूरा भएको श्रेष्ठले बताए। वाइड बडी ए ३३०–२०० सिरिजको उक्त विमान निर्माता कम्पनी फ्रान्सको तुलुज शहरबाट उडान भरी काठमाडौँ आउनेछ । निगमको पहिलो वाइड बढी ‘अन्नपूर्ण’ नामको विमान गत असार १४ गते त्रिभुवन अन्तर्राष्ट्रिय विमानस्थलमा अवतरण गरेको थियो ।
निगमले हाल आठ अन्तरष्ट्रिय गन्तव्यमा उडान गरिरहेको छ । नयाँ जहाजपछि थप तीन गन्तव्य जापान, दक्षिण कोरिया र साउदी अरेबियामा निगमको जहाज उड्नेछन् । यस्तै भारत र चीनमा केही शहर र म्यानमार, श्रीलंका, भियतनामलगायत देशमा पनि उडान गर्ने निगमको तयारी छ । निगमले सन् २०१९ भित्र थप दुई वटा न्यारो बडी जहाज भित्र्याउने र छिमेकी देशका मुख्य शहरमा उडान गर्ने लक्ष्य राखेको छ । यसबाट मलेसिया र अरव मुलुकमा आवजजावत गर्ने कामदारहरुमात्र नभइ विदेशी पर्यटकहरुको आगमनमा समेत सहयोग पुग्ने निगमले बताएको छ ।जहाँ नेपाल आउने पर्यटक, त्यहाँ नेपाल वायु सेवा निगम’ भन्ने नाराका साथ सेवा उपलब्ध गराउने लक्ष्य राखिएको छ । दुई वटा वाइड बडी र दुई ‘न्यारो बडी’ जहाजले अन्तर्राष्ट्रिय उडान गर्ने र पर्यटन प्रवद्र्धनमा लाग्ने लक्ष्यका साथ निगमले सो अवधारणा अगाडि सारेको हो ।
