६६६ जना भिजिट भिसा यात्रु अध्यागमनबाट फिर्ता, १० दिनमै कडाइकाे प्रभाव देखिन थाल्याे

गृह मन्त्रालयका सहसचिव तीर्थराज भट्टराई भिजिट भिसा प्रकरणमा अख्तियारको अनुसन्धानमा परेपछि अध्यागमनले निगरानी थप कडाइ गरेको हो। यसअघि माघ १० गतेदेखि लागू गरिएको ६ बुँदे नयाँ मापदण्डअनुसार यात्रुहरूसँग दुईतर्फी टिकट, होटल बुकिङ, कम्तीमा ६ महिना म्याद बाँकी पासपोर्ट, कम्तीमा ५०० अमेरिकी डलर बराबरको वैदेशिक मुद्रा, बसाइको विवरण र आफन्तसँगको नाता प्रमाणित कागजात अनिवार्य गरिएको छ।

यीमध्ये कुनै पनि कागजात नपुगेको अवस्थामा अध्यागमनले यात्रुलाई उडान अनुमति नदिने नीति लिएको छ। भिजिट भिसाको नाममा हुने मानव तस्करी र ठगी रोक्न सरकारले यस्ता कडाइका उपायहरू अवलम्बन गरेको हो। अध्यागमन कार्यालयले आगामी दिनमा अझ प्रभावकारी रूपमा नियमन गर्ने तयारी गरेको जनाएको छ।