आमाप्रति सम्झना गर्दै ललित राजबंशीको देशप्रेमी संकल्प
काठमाडाैं, ३ असाेज । नेपाली राष्ट्रिय क्रिकेट टोलीका बलर ललित राजबंशीले स्वर्गीय आमाप्रति गहिरो सम्झना व्यक्त गर्दै आफ्नो जीवनको बाँकी लक्ष्य नेपालका लागि उत्कृष्ट क्रिकेटर बन्ने रहेको बताएका छन्।
हालै आमाको निधनपछि भावुक बनेका राजबंशीले भने, “मामुको धेरै याद आउछ, मेरो आधा संसार गयो। मेरो बाकी संसार भनेको बाल्यकालदेखिको सपना—देशका लागि क्रिकेट खेल्ने हो।’’ उनले आमाको निधनका कारण तत्कालीन अष्ट्रेलिया भ्रमण छोडेको स्मरण गर्दै भने, “त्यो बेला मामु महत्वपूर्ण हुनुहुन्थ्यो, त्यसैले टुर छोडें। अब खेल महत्वपूर्ण छ, आमा जस्तै नेपाल आमा हो, एक दायित्व छ, त्यसलाई पूरा गर्न लागिरहेको छु।”
राजबंशीले व्यक्तिगत पीडालाई सङ्गठित शक्तिमा रूपान्तरण गर्दै राष्ट्रिय टोलीका लागि उत्कृष्ट प्रदर्शन गर्ने संकल्प व्यक्त गरेका छन्। उनले आमाप्रतिको सम्झनालाई देशप्रेममा बदल्दै आगामी खेलहरूमा नेपाललाई गौरवान्वित बनाउने लक्ष्य अघि सारेका छन्।
