महाबीर पुनः भन्छन्: भ्रष्ट नेताहरू हटाए बिना सुधार सम्भव छैन
काठमाडाैं, १० असाेज । शिक्षा, विज्ञान तथा प्रविधि मन्त्री डा. महाबीर पुनले नेपालमा वास्तविक सुधार त्यतिबेला मात्र सम्भव हुने बताएका छन् जब भ्रष्ट र पाखंडी नेताहरू राजनीतिबाट हटाइन्छन्।
उनले सामाजिक सञ्जाल फेसबुकमार्फत आगामी निर्वाचनमा सक्षम, नैतिक र दृढ युवा प्रतिनिधि छान्न मतदातालाई आग्रह गरे। पुनले मतदाता तथा नागरिकहरूलाई विवाद बिना संगठित रूपमा मतदान गर्न र सफा युवा नेतृत्वको बहुमत सरकार गठन सुनिश्चित गर्न निर्देशन दिए।
मन्त्री पुनले भने, “यस्तै नेतृत्व मात्र भ्रष्टाचार कम गर्न, सुशासन ल्याउन, आर्थिक समृद्धि सुनिश्चित गर्न, विदेशी हस्तक्षेप रोक्न र राष्ट्रपति प्रत्यक्ष निर्वाचनको सपना पूरा गर्न सक्षम हुन्छ।”
उनको यो अभिव्यक्तिले आगामी निर्वाचनमा युवा नेतृत्व र पारदर्शी राजनीतिक सहभागितामा जोड दिन खोजेको संकेत गरेको छ।
