दशैंमा आइएमई पेको स्किम १० रुपैयाँमा हवाई यात्रा
काठमाडौं, १८ असोज । आईएमआई ग्रुप अन्तर्गत संचालित आइएमई डिजिटलले आईएमए पेले सर्वसुलव मुल्यमा हवाइ टिकट खरिद योजना सार्वजानिक गरेको छ । उक्त योजना अन्तर्गत बुद्ध, यती, तारा, सौर्य, श्री र सिम्रिक एयरलाइन्समा नेपाल भरका विभिन्न गन्तव्यका लागि आइएमई पेबाट टिकट खरिद गर्ने यात्रुहरू मध्ये प्रत्येक दिन ६ जना विजेताको १० रुपैयाँ रकम कटाई हवाई शूल्क उपहार स्वरूप ‘आइएमई पे’ वालेट मै फिर्ता पाउने छन् ।
यो योजना असोज १७ गतेदेखि ३१ गतेसम्म मात्र रहने गु्रपले जनाएको छ । झन्डै पन्ध्र हजार एजेण्ट आउटलेट संजाल भएको आइएमई पे आईएमई ग्रुप अन्तर्गतको डिजिटल वित्तीय सेवा प्रदायक कम्पनी हो । यसले व्यक्ति–व्यक्तिका बीचमा हुने सामान्य रकम ट्रान्सफर गर्ने सुविधादेखि लिएर विभिन्न अनलाइन तथा स्थलगत स्टोरहरूमा भुक्तानी गर्ने, मोबाइल रिचार्ज गर्ने र विभिन्न घरयासी तथा कार्यालयका बिलहरू भुक्तानी गर्ने कार्यमा सहयोग गरिरहेको छ ।
