सेयरमा अनलाइन कारोबार संचालनको सकारात्मक प्रभाव, बजार १० अंकले बढ्यो
काठमाडौ, २० कात्तिक । सेयर बजारमा आज पनि दोहोरो अंकले सुधार आएको छ । बजार खुलेदेखि नै उकालो लागेको परिसूचक १०.७९ अंकले बढेर १२१८.०७ बिन्दुमा उक्लिएको छ ।
नेपाल स्टक एक्सचेन्जले आज देखि सेयरमा अनलाई कारोबार सुरु गरेको छ । त्यसैको सकारात्मक प्रभाव बजारमा देखिएको विश्लेषण गरिएको छ । अनलाई कारोबार सुरु भएसँगै अव लगानीकर्ताले देशका जुनसुकै कुनावाट पनि अनलाइन मार्फत सेयर खरिद गर्न सक्ने छन् ।
आज कारोबारमा आएका मध्ये सबै समूहको परिसूचक बढेको छ । सबैभन्दा बढी जीवन बीमा समूहको परिसूचक ६५.३३ अंकले बढेको छ। नीर्जिवन ५७.०२ र होटल समूहको परिसूचक ३७.०२ अंकले बढेको छ । आज एक सय ५५ कम्पनीको २४ करोड रुपैयाँ बराबरको सेयर कारोबार भएको छ ।
