गुराँस लघुवित्तको साधारण सेयर निष्काशनको बिक्री प्रबन्धकमा एनआईबिएल एस क्यापिटल

काठमाडौं, १३ मंसिर । गुराँस लघुवित्त वित्तीय संस्था लिमिटेडले प्रति शेयर रु.१००÷—अंकित दरको २, लाख ५० हजार कित्ता साधारण सेयर निष्काशनको लागि एनआईबिएल एस क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ । सो सेयर निष्काशन सम्बन्धी सम्झौता—पत्रमा गुराँस लघुवित्तका निमित्त प्रमुख कार्यकारी अधिकृत नगेन्द्र मिश्र र एनआईबिएल एस क्यापिटलका महाप्रबन्धक मेख बहादुर थापाले हस्ताक्षर गरेका छन् ।

गुराँस लघुवित्त वित्तीयको अधिकृत पूँजी १० करोड, जारी पूँजी ७ करोड ७५ लाख रुपैयाँ र चुक्ता पूँजी ५ करोड २५ लाख रुपैयाँ रहेको छ । सर्वसाधारणहरुलाई सेयर निष्काशन गरी बाँडफाँट गरे पश्चात संस्थाको चुक्ता पूँजी ७ करोड ७५ लाख रुपैयाँ हुनेछ ।