व्यवसाय बृद्धिका लागि राष्ट्रिय वाणिज्य बैंकको ४८ शाखा प्रबन्धनसँग विजनेस मिट

काठमाडौं, १९ मंसिर । राष्ट्रिय वाणिज्य बैंक लिमिटेडले व्यवसाय बृद्धिका लागि रणनीति तय गर्न बढि कर्जा लगानी भएका ४८ शाखा कार्यालयका प्रवन्धकहरु सम्मिलित विजनेस मिट सम्पन्न गरेको । चितवनमा संचालित सो कार्यक्रममा प्रतिस्पर्धी बैंकिङ्ग बजारमा बैंकको निक्षेप, कर्जा, ई बैंकिङ्ग, गैर कोषमा आधारित व्यवसाय बृद्धिबारे व्यापक छलफल भई रणनीति तय गरिएको बैंकले जनाएको छ ।

कार्यक्रमको बैंकका प्रमुख कार्यकारी अधिकृत किरणकुमार श्रेष्ठले बजारमा राष्ट्रिय वाणिज्य बैंकको व्यवसाय, नेटवर्थ, कार्यसंजाल ठूलो भएको हुंदा राष्ट्रिय वाणिज्य बैंकले नै मार्केटलाई डो¥याउनु पर्ने दायित्व रहेकाले व्यवसाय बृद्धि गर्न शाखा प्रवन्धकहरुलाई निर्देशन दिएका थिए ।

बैंकको हाल ७४ जिल्लामा २सय ८ वटा शाखा कार्यालय, १ सय ६५ वटा एटिएम र ९३ वटा शाखा रहित बैंकिङ्ग रहेको छ । हाल बैंकको १ खर्व ७५ अर्व रुपैंया निक्षेप संकलन र १ खर्व २४ अर्व रुपैंया कर्जा लगानी रहेको छ ।

Leave a Reply

Your email address will not be published. Required fields are marked *