एनआइसी एसियाको साधारण सभा पुस ४ मा, १० प्रतिशत बोनस सेयर वितरणको प्रस्ताव
काठमाडौं, २८ मंसिर । एनआइसी एसिया बैंकले १० प्रतिशतका दरले बोनस सेयर वितरण गर्ने छ । बैंकको उक्त प्रस्ताव पुस ४ गते हुने साधारण सभामा पेश गरिने छ ।
बैंकले बोनसमा लाग्ने कर तिर्न ०.५२६ प्रतिशत नगद लाभांश वितरण गर्ने गर्नेछ । मंसिर १८ गतेसम्म कायम सेयरधनीले यो लाभांश पाउन सक्ने बताइएको छ। बैंकले साधारण सभा गर्न मंसिर १९ गतेदेखि बुक क्लोज गरेको थियो ।
एनआइसी एसियाले बोनसमा ८० करोड ३१ लाख ११ हजार ७०० रुपैयाँ र नगद लाभांशमा ४ करोड २२ लाख ६९ हजार ३७ रुपैयाँ खर्च गर्न लागेको हो । साधारण सभा हेरिटेज गार्डेन ललितपुरमा बिहान ९ बजे हुनेछ ।
