प्रधामन्त्री ओली र जापानका विदेशमन्त्री कोनोबीच भेटवार्ता

काठमाडौं,२६ पुस । जापानका विदेशमन्त्री तारो कोनोले प्रधानमन्त्री केपी ओली शिष्टाचार भेट गर्नुभएको छ । प्रधानमन्त्री निवास बालुवाटारमा भएको भेटका क्रममा आपसी हितका सन्दर्भमा कुराकानी भएको परराष्ट्र मन्त्रालयले जनाएको छ ।यसअघि हिजो विदेशमन्त्री तारोले आफ्ना समकक्षी प्रदीप ज्ञवालीसँगको भेटवार्ता गर्नुभएको थियो । सो क्रममा जापान सँगको सिधा हवाई उडानसम्बन्धी सम्झौता पत्रमा हस्ताक्षर भएको छ । २५ वर्षअघि भएको हवाई सम्झौता गत असारमा नवीकरण गरिएको थियो । सोही सम्झौताअनुसार कूटनीतिक नोटमा हस्ताक्षर भएपछि अब  जापानमा सिधा हवाई उडान गर्न बाटो खुलेको छ  । सहमतिअनुसार अब नेपाल एयरलाइन्सले सातामा १४ वटा उडान भर्न पाउने छन् ।   यस्तै नेपालले फागुनमा गर्न लागेको लगानी सम्मेलनमा बढीभन्दा बढी लगानीकर्ता, व्यापारी र उद्योगी पठाइदिन  जापानसँग आग्रह समेत गरेको छ ।  २ दिने भ्रमणका लागि हिजो काठमाडौं आएका तारो आजै जापान फर्कने कार्यक्रम छ ।   

http://bit.ly/2FnoWxR

Leave a Reply

Your email address will not be published. Required fields are marked *