कृषि उद्यम केन्द्रमा भएको भ्रष्टाचार छानविन गर्न समिति
काठमाडौं, १४ माघ । नेपाल उद्योग वाणिज्य महासंघले कृषि उद्यम केन्द्रमा भ्रष्टाचार भएको ठहर गरेको छ । भ्रष्टाचार भएको भन्दै महासंघले छानबिनका लागि महासंघकै वरिष्ठ सदस्य शकुन्तलाल हिराचनको संयोजकत्वमा समिति गठन गरेको छ ।
समितिमा सदस्य विनोद ढकाल छन् । समितिले कृषि उद्यम केन्द्रका परियोजना र त्यसमा भएको भ्रष्टचारबारे छानविन गर्ने छ ।
त्यस्तै कार्यसमिति बैठकले महासंघमा आबद्ध कर्मचारीले पनि भ्रष्टाचार गरेको आरोप लागेपछि पूर्व उपाध्यक्ष दिनेश श्रेष्ठको संयोजकत्वमा समिति बनेको छ । त्यसमा डीबी बस्नेत सदस्य छन् ।
महासङ्घका तत्कालीन कोषाध्यक्ष ज्ञानेन्द्रलाल प्रधानले केही पदाधिकारी र कर्मचारी मिलेर भ्रष्टाचार गरेको आरोप लगाएपछि कार्यसमितिले छानबिन समिति बनाएको हो ।
