सुञ्चुरी कमर्सियल बैंकद्वारा रुपन्देहीको मर्चवार आर्दश माविका विद्यार्थीलाई ब्याग प्रदान
काठमाडौं, २८ माघ । सेञ्चुरी कमर्सियल बैंकले रुपन्देहीको एक विद्यालयलाई २ सय ९५ थान ब्याग प्रदान गरेको छ । रुपन्देही वडा नं. ५ स्थित श्री मर्चवार आदर्श मावि मझगावां, विद्यालयलाई बैंकले श्रीपञ्चमीको अवसरमा संस्थागत सामाजिक उत्तरदायित्व कार्यक्रम अन्तर्गत ब्याग प्रदान गरेको हो ।
भैरहवा शाखाका क्षेत्रीय प्रबन्धक प्रबिन कुमार दाहालले विद्यालयका सञ्चालक समितिका अध्यक्ष मुवारक अलीको उपस्थितीमा विद्यालयका विद्यार्थीहरुलाई व्याग वितरण गरेका थिए ।
बैंकले हाल काठमाडौं उपत्यकामा १३ शाखाबाट सेवा प्रदान गर्दै आएको छ भने ६ वटा एक्स्टेन्सन काउन्टर मार्फत सेवा प्रदान गर्दै आएको छ । त्यस्तै बैंकले उपत्यका बाहिर ९६ शाखा, २ वटा एक्स्टेन्सन काउन्टर र १३ वटा शाखारहित बैंकिङ्ग गरी जम्मा १३० स्थानबाट कारोबार सञ्चालन गरिरहेको छ ।
