नेपाल एसविआई बैंकको साधारण सभा पौष १९ गते, बुक क्लोज कहिले?
काठमाडौं, २४ मंसिर । नेपाल एसबिआई बैंकको वार्षिक साधारण सभा आगामी पौष १९ गते बस्ने भएको छ । वार्षिक साधारण सभामा बैंकले शेयरधनीहरुलाई १५.४२ प्रतिशत बोनस शेयर र कर प्रयोजनका लागि ०.८१ प्रतिशत नगद लाभांश दिने भएको छ ।
लाभांश प्रयोजनका लागि बैंकले मंसिर २९ देखी पौष १९ गतेसम्मका लागि शेयर दर्ता पुस्तिका बन्द गर्ने भएको छ । मंसिर २८ गतेसम्ममा बैंकको शेयर खरिद गर्ने लगानीकर्ताहरुले बैंकले प्रस्ताव गरेको १५.४२ प्रतिशत बोनस शेयर सुरक्षित गर्ने भएको छ ।
बैंकले प्रस्ताव गरेको १५.४२ प्रतिशत बोनस शेयर जारी पछि बैंकको चुक्ता पुँजी ८ अर्ब ५ करोड रुपैयाँ पुग्ने छ । बैंकको हाल चुक्ता पुँजी ६ अर्ब ९७ करोड रुपैयाँ रहेको छ ।
