पुँजीवृद्धिका लागि एनसिसि बैंकले ५० प्रतिशत हकप्रद शेयर जारी गर्ने
काठमाडौं, २४ मंसिर । एनसिसि बैंकले २ बराबर १ अर्थात ५० प्रतिशत हकप्रद शेयर निष्कासनका लागि आवेदन दिएको छ । बैंकले ५० प्रतिशत हकप्रद शेयर निष्कासन गर्न नेपाल धितोपत्र बोर्डको स्विकृतिका लागि आवेदन दिएको हो ।
बैंकले एक सय रुपैयाँ अंकित मुल्य भएको २ करोड ३३ लाख ९५ हजार २९१ कित्ता हकप्रद शेयर निष्कासन गर्ने भएको छ । हकप्रद शेयर निष्कासनका लागि बैंकले सनराइज क्यापिटललाई बिक्री प्रबन्धकमा नियुक्त गरेको छ । बैंकको १९औं वार्षिक साधारण सभाले ५० प्रतिशत हकप्रद शेयर निष्कासनको प्रस्तावलाई पारित गरेको थियो । सो अनुसार बैंकले हकप्रद शेयर निष्कासन गर्ने भएको हो ।
बैंकको हकप्रद शेयर निष्कासन पछि चुक्ता पुँजी ४ अर्ब ६७ करोड रुपैयाँबाट बढेर ७ अर्ब १ करोड रुपैयाँ पुग्ने छ । बैंकलाई केन्द्रिय बैंकले तोकेको चुक्ता पुँजी पुर्याउनका लागि १ अबृ रुपैयाँको आवश्यकता रहेको छ ।
