स्ट्याण्डर्ड चार्टर्ड बैंकको बोनस शेयर
काठमाडौं, २४ मंसिर । स्ट्याण्डर्ड चार्टर्ड बैंकले चुक्ता पुँजी ८ अर्ब पुर्याउन शेयरधनीहरुलाई एक सय प्रतिशत बोनस शेयर दिने भएको छ । बैंकको गत शुक्रबार बसेको संचालक समितिको ३६२औं बैठकले शेयरधनीहरुलाई एक सय प्रतिशत बोनस शेयर कर प्रयोजनका लागि ५.२६ प्रतिशत नगद लाभांश दिने निर्णय गरेको छ ।
बैंकले गत आर्थिक वर्षको मुनाफा र रिजर्भमा रहेको पुँजीबाट शेयरधनीहरुलाई १ बराबर १ बोनस शेयर दिने भएको हो । बैंकले उक्त बोनस शेयरको वितरण पछि चुक्ता पुँजी ८ अर्ब १ करोड रुपैयाँ पुर्याउने छ । बैंकको हाल चुक्ता पुँजी ४ अर्ब १ करोड रुपैयाँ रहेको छ ।
