पुष्प मेलामा ६२ लाखको कारोवार
काठमाडौँ, ११ चैत। फ्लोरीकल्चर एशोसिएशन नेपालको आयोजनामा गरेको पुष्प मेलामा रु ६२ लाखको आर्थिक कारोवार भएको छ । आयोजकले रु ६० लाखको आर्थिक कारोवार हुने लक्ष्य लिएको थिए। गत शुक्रबारदेखि शुरु भएको मेलामा ५७ हजार अवलोकन गरेका छन् ।
देशका विभिन्न क्षेत्रमा उत्पादन भएका पुष्प तथा पुष्पजन्य वस्तुको प्रवद्र्धन, विस्तार, नयाँ प्रविधि र अनुसन्धानको राष्ट्रिय तथा अन्तर्राष्ट्रियस्तरमा प्रचारप्रसार र जनचेतना जगाउने उद्देश्यले मेलाको आयोजना गरिएको एशोसिएशनले जनाएको छ । मेलामा ८४ व्यावसायिक स्टल राखिएका थिए ।
नेपालमा ४३ जिल्लामा लगभग ६९७ व्यवसायीले सो व्यवसाय विस्तार गरिसकेका छन् । त्यस्तै १५३ हेक्टर जमीनमा पुष्प व्यावसायिक रुपमा खेती हुँदै आएको छ । गत आर्थिक वर्षमा दुई अर्ब २५ करोडको कारोवार फूलकारोवार भएको थियो।
