एक वर्षमा सेयर बजार झन्डै एक सय अंकले तल झर्यो

काठमाडौं, चैत । बर्ष २०७५ पुँजी बजारका लागि खासै उत्साहप्रद रहेन । एक बर्षको अबधीमा नेपाल स्टक एक्सचेन्ज (नेप्से) परिसुचकहरुको अवस्था कमजोर देखियो । २०७५ बैसाख २ गते वर्षको पहिलो कारोबार सुरु भएको दिन १२८०.१५ को बिन्दुमा रहेको नेप्से वर्षको अन्तिम कारोबार दिन बिहिबार ११८४.०२ को विन्दु झरेर बन्द भएको छ । यो एक वर्षमा ९६.१३ अंकले नेप्से घटेको छ ।

बर्ष भरिमा नै सबै भन्दा बढी बैशाख ९ गते नेप्से सुचक सबै भन्दा १४३८.४९ अकमा पुगेको थियो भने सबै भन्दा कम फागुन १९ गते ११००.५८ को विन्दुमा ओर्लिएको थियो । नेप्सेमा देखिएको गिरावटका कारण यो वर्ष लगानीकर्ता निराश देखिएन । बैंकको ब्याँजदरमा आएको उत्तारचढावले पनि बजारलाई अर्को प्रभाव पा¥यो ।

गत बैशाखको पहिलो दिन १२८०.१५ को विन्दुमा रहेको नेप्से ५७.९९ अंकले बढेर १३३८.१४ को विन्दुमा चढेको थियो । महिना (जेष्ठ) १ गते १३३३.८५ अंकमा पुगेको नेप्से सुचक जेष्ठ ३१ गते भने घटेर १२४७.३० को विन्दुमा झरेको थियो । सो महिना बजार ८६.५५ अंकले घटेकोे थियो ।
यसैगरि असार ३ गते १२३३.८५ को बिन्दुमा पुगेको नेप्से सुचक सोही महिनाको ३२ गते १२१२.३६ अंकमा कारोबार बन्द हुँदा असार महिना भित्र २०.८७ अंकले सुचक घटेको थियो । साउन महिनालाई हेर्दा सो महिनाको १ गते १२६४.३१ को विन्दुमा पुगेको नेप्से सुचक ३१ गते १२१०.३२ को विन्दुमा कारोबार बन्द हुँदा उक्त महिना पनि ५३.९९ अंकले घटेको थियो ।

लगातार घटिरहेको सेयर बजार भदौ महिनामा भने सुधारिएको थियो । सो महिनाको ३ गते ११९६.२९ को विन्दुमा रहेको नेप्से सुचक ३१ गते १२५६.५३ को विन्दुमा पुगेको थियो । उक्त महिना ६०.२४ अंकको वृद्धि नेप्सेमा आयो । असोज महिनामा भने नेप्से १४.८४ अंकले घटेको थियो । १ गते १२५६.४० को विन्दुमा रहेको नेप्से सुचक २९ गते १२४१.५६ को विन्दुमा कारोबार बन्द भएको थियो । कात्तिक महिनाको ४ गते १२४६.५२ को विन्दुमा पुगेरको नेप्से सुचक सोही महिनाको २९ गते १२०५.५८ को विन्दुका कारोबार बन्द हुँदा नेप्से ४०.९४ अंकले घटेको थियो ।

यस्तै नेप्से सुचक मंसिर १ गते ११९५.४५ को विन्दु र सो महिनाको अन्तिम कारोबार २७ गते ११४८.७८ को विन्दुमा कारोबार बन्द हुँदा महिनामा बजार ४७.६७ अंकले घटेको थियो । पुष महिनामा नेप्से सामान्य अंकले बढेको थियो । सो महिनाकोे १ गते ११६७.६७ को विन्दुमा पुगेर बन्द भएको सुचक ३० गते ११७८.०३ को विन्दुमा कारोबार बन्द हुँदा नेप्से १०.३० अंकले बढेको थियो । साथै माघ महिनामा पनि नेप्सेमा ४०.२२ अंकको वृद्धि देखिएको थियो । सो महिनाको २ गते ११८७.९७ विन्दुमा पुगेको नेप्से सुचक २९ गते १२२८.१९ को विन्दुमा कारोबार बन्द भएको थियो । बर्षको ११ औ महिना (फागुन) १ गते ११२१.०८ को विन्दुमा पुगेको सचक सोही महिनाको ३० गते ११५५.४६ को विन्दुमा कारोबार बन्द हुँदा ३४.३८ अंकको वृद्धि नेप्सेमा देखिएको थियो । बर्षको अन्तिम कारोबार महिना (चैत) मा पनि नेप्सेमा त्यती उत्साहजनक बृद्धि भएन ।

यो बीचमा सेयर बजार निरन्तर रुपमा ओरालो लागेपछि लगानीकर्ताहरुले बजार सुधारको लागि नियमक निकाय तथा सरकारसंग माग राख्दै आन्दोलन पनि गरे । केहीले अर्थमन्त्री डा. युवाराज खतिवडा सहित अन्य पदाधिकारीहरुसँग पटकपटक वार्ता समेत भयो । सरकारले राष्ट्र बैंकका डेपुटी गभर्नर शिवराज श्रेष्ठको संयोजकत्वमा उच्च स्तरीय सुझाव समिति गठन गरि त्यो समितिले शेयर बजार सुधार सहितको प्रतिवेदन बुझाएको थियो । जस मध्ये स्वचालिन अनलाईन प्रणालीको सुरुवात, मार्जिन ल्यान्ङ्गिको कारोबारको सुरुवात लगायत सेयर बजारमा नीतिहरु परिवर्तन तथा परिमार्जन पनि गरिएका छन् । साथै बैंकहरुलाई पनि ब्रोकर लाइसेन्स दिने प्रकृया सुरु गरिएको छ भने पुँजी बजारको दायरा फराकिलो बनाउन उपत्यका बाहिरबाट पनि ब्रोकरहरुले शाखा खोली कारोबार सुरु गरेका छन् ।

तर पनि समग्रमा यो वर्ष सेयर बजारमा सकारात्मक रहन सकेन । आगामी वर्ष २०७६ सालमा भने लगानीकर्ताहरुले बजारमा सुधार आउने अपेक्षा राखेका छन् ।

Leave a Reply

Your email address will not be published. Required fields are marked *