नेपालको नविकरणीय उर्जाको विकासमा विश्व बैंकले सघाउने
काठमाडौं, ९ बैशाख । नेपाल सरकार र विश्व बैंकबीच नीजि क्षेत्रसँगको साझेदारीमा नेपालको ग्रामिण भेगमा नविकरणीय उर्जा विकासमा काम गर्ने सम्झौता भएको छ। उक्त सम्झौतामा आज अर्थमन्त्रालयका सहसचिव श्रीकृष्ण नेपाल र विश्व बैंकका कामु कन्ट्री म्यानेजर विगान प्रधानले हस्ताक्षर गरेका छन् ।
यसका लागि चार वर्षको अवधीमा १७ करोड अमेरिकी डलर खर्च गरिने छ । त्यसमा विश्व बैंकले आफ्नो रणनीतिक माध्यमको रुपमा ७.६१ करोड डलर सहयोग गर्ने छ । त्यस्तै, नेपाल सरकारले ६ करोड अमेरिकी डलर अनुदान गर्ने छ भने नीजि क्षेत्रले ३ करोड अमेरिकी डलर सहयोग गर्ने छ।
यो परियोजनाले १ लाख २६ हजार ग्रामिण जनतालाई उर्जा प्रदान गर्ने जनाइएको छ। यस अन्तर्गत २५ वटा मिनि सव स्टेशनहरुलाई सहयोग गर्नुका साथै ३.८ मेगावाटको नयाँ उत्पादन क्षमता थप्न सहयोग गर्ने छ।
